БИЗДИ КОЛДОШТУ

ГЮЗЕЛЬ ДАНИЯРОВА ГРАФИКАЛЫК ЭМГЕКТЕРИН ФОНДГО ТАРТУУЛАДЫ. АВТОР ЖӨНҮНДӨ ЭКИ ООЗ СӨЗ.

Гюзель Даниярова Фондго өзүнүн графикалык эмгектерин белекке тапшырды — СҮРӨТАЛЬБОМ 

Гюзель – Данияровдун үй-бүлө мүчөсү, Фонддун негиздөөчүсү жана директорунун сиңдиси. Анын кошкон салымы Фонддун гуманитардык багыттагы долбоорлорун өркүндөтүүгө жана ишмердүүлүгүн кеңейтүүгө жардам бермекчи.

????????????????????????????????????
В шубе. Скорее же. Гюзель 2016

Гюзель Фондго тартуулаган графикалык эмгектеринин баардыгын тушь жана калем уч менен тарткан. Ал бир эле сюжеттерди, ыргактарды түрдүүчө ырахаттануу менен аткарып, кээде күтүүсүздөн тап-такыр жаңы теманы ачып берет. Гюзелдин эмгектерине баам салган адам анын сүрөттөрүнөн назик, жеңил, анан анча-мынча тамашалуу маанайды баамдайт. Анын өзүнө гана таандык стили оңой эле таанылат. Гюзель Европадагы бир нече көргөзмөлөргө катышкан, кээ бир эмгектери күйөрмандарынын өздүк коллекцияларын толуктап келет. Андан тышкары, Гюзелдин эмгектери кеңселердин, мекемелердин жана конок үйлөрдүн дубалдарына көрк кошууга татыктуу.    

Гюзель бала кезинен бери сүрөт тартат. Өспүрүм кезинде сүрөткө хобби катары гана карачу.

Кесиби — дарыгер-биохимик. Медициналык жогорку билимди Н.И.Пирогов атындагы Москва медициналык институтунда (азыркы Россиялык мамлекеттик медициналык институту) алган. 1983-жылы иммунология боюнча илимий эмгек жазып, кандидаттык диссертациясын ийгиликтүү жактаган. Медицина тармагынын медициналык камсыздоо багытында иштеп жүрүп, акырында өзүнүн табиятына жакын сүрөт тартуу ишине баш оту киришип кетти.

Гюзель азыркы учурда Кыргызстандан сырткары жашап жатса да, өз мекени менен карым-катнашын үзбөй, Бишкекке байма-бай каттап турат.

Гюзель Даниярованын Фондго тартуулаган эмгектерин төмөндөгү эки жол менен алууга болот:

  1. Бизден сатып алуу. Сатыктан түшкөн каражат Фонддун долбоорлорун ишке ашырууга жумшалат. Сиз өз каалооңуз боюнча ал каражаттарды Фонддун конкреттүү бир долбооруна жумшагыңыз келгенин көргөзсөңүз болот, же болбосо биздин тандообузга калтырсаңыз да болот. Биз сөзсүз түрдө ал каражаттарды кандай максаттарга жумшаганыбыз тууралуу сизге маалымдайбыз.

 1 сүрөттүн атайын баасы (паспорту жана багети менен)  – 15 000 сом/ же 15 000 рубль/ же 200 евро/ же 200+ долл.

  1. Белекке алуу. Мындай белек Фонддун ишмердүүлүгүнө материалдык колдоо көрсөткөн Фонддун досторуна (адамдарга жана мекеме-уюмдарына) тартууланат.

Ал үчүн биздин төмөнкү электрондук дарегибизге жазыңыз: a.daniyarova@daniyarov.kg же Бишкектеги БУБЛИК кофейнясынын кызматкерлерине кайрылыңыз.

Бишкек шаарынын тургундары жана меймандары Тоголок Молдо көчөсүндөгү БУБЛИК кофейнясында коюлган Гюзелдин эмгектери менен тааныша алышат.

 


Автору
Асель Даниярова

Пикир кошуу

Сиздин e-mail жарыяланбайт Милдеттүү талаалар белгиленген *