Биздин фонд 2022-жылы кесиби боюнча 15 жылдан кем эмес иштеп, башталгыч класстын окуучуларын 3 жолудан кем эмес окутуп, мектептеги кийинки баскычка даярдаган Кыргыз Республикасынын мектептериндеги башталгыч класстар мугалимдери үчүн сыйлык уюштурду.
Ал сыйлыктын Жобосу САНЖАРБЕК ДАНИЯРОВДУН ФОНДУНУН “УРМАТ БЕЛГИСИ” СЫЙЛЫГЫН БАШТАЛГЫЧ КЛАССТЫН МУГАЛИМИНЕ ЫЙГАРУУ ЖӨНҮНДӨ” макалада жарыяланган.
Бул сыйлыкты кесиптин татыктуу өкүлдөрү алышты деп ишенебиз, анткени сыйлык жөнүндө жобого ылайык, документтерди алгачкы текшерүүдөн өткөргөндөн кийин аны мугалимге ыйгаруу чечими 7 адамдан кем эмес эксперттик топ тарабынан кабыл алынат. Сыйлык бардык жети эксперттин бир добуштан чечими менен гана берилет.
№1 “УРМАТ БЕЛГИСИ” СЫЙЛЫГЫН ТАПШЫРУУ ЖӨНҮНДӨ
2022-жылдагы биринчи сыйлык Ысык-Көл облусунун Түп районундагы Сары-Дөбө айылындагы No21 К.Карачев атындагы мектептин мугалими Мырзабаев Таалайбек Мырзабаевичке ыйгарылган. Мурдагы жылдагы БИРИНЧИ МУГАЛИМ сынагынын жүрүшүндө иш-чаранын алып баруучусу катары катышкан Таалайбек Мырзабаевичке №1 сыйлыктын күбөлүгү тапшырылган. Ал учурда төш белгилерибиз жасала элек болчу.
Ага төш белгини 2022-жылдын 3-5-июнунда Сары-Дөбө айылынын мектеп окуучулары байгелүү экскурсияга келген учурда тапшырууга жетиштик. Төш белги Ала-Тоо аянтында мектеп окуучуларынын жана кесиптеш мугалимдеринин катышуусунда тапшырылды. Бул окуя сыйлык алуучу үчүн эстен кеткис болуп калды деп ишенебиз!
Татыктуу мугалимге сыйлык тапшыруу, фонддун атынан куттуктоолор бизге чоң кубаныч тартуулады!
2023-жылы “УРМАТ БЕЛГИСИ” СЫЙЛЫГЫН ТАПШЫРУУ ЖӨНҮНДӨ
Фондго 2022/2023-окуу жылында тиешелүү иш тажрыйбасы бар башталгыч класстын мугалимдеринен документтердин топтому келип түшкөн. Аларды тактап, текшерип чыккандан кийин документтер эксперттерге өткөрүлүп берилди.
 |
 |
Чечим кабыл алууга катышкан эскперттердин курамын жарыялоо биз үчүн абдан жагымдуу:
АКУНОВА НУР САДАТБЕКОВНА, БИРИНЧИ МУГАЛИМ сынагынын лауреаты
Нарын облусу, Кочкор району, Чолпон айылы, Корчубек Акназаров атындагы орто мектептин мугалими
БЕКТАШОВА ЖАНАРА БЕКТАШОВНА, БИРИНЧИ МУГАЛИМ сынагынын лауреаты
Жалал-Абад облусу, Тогуз-Торо району, Казарман айылы, Т.Мойдунов атындагы орто мектептин мугалими
ИСАКОВА НУРЖАН ШАМУРАТОВНА, БИРИНЧИ МУГАЛИМ сынагынын лауреаты
Жалал-Абад облусу, Сузак району, Кызыл Сенир айылы, Ы. Чанаков атындагы №31 орто мектептин мугалими
МЫРЗАБАЕВ ТААЛАЙБЕК МЫРЗАБАЕВИЧ, УРМАТ БЕЛГИСИнин ээси
Ысык-Көл облусу, Түп району, Сары-Дөбө айылы, К.Карачев атындагы №21 Сары-Дөбө орто мектебинин мугалими
МЫРЗАБЕКОВА НАГЫЗГҮЛ АДЫЛБЕКОВНА, БИРИНЧИ МУГАЛИМ сынагынын лауреаты
Чүй облусу, Панфилов району, Эркин-Сай айылы, Жуматаев атындагы орто мектептин
мугалими
ОСМОНБАЕВА НАЗИРА СЕЙИТКАЗИЕВНА, БИРИНЧИ МУГАЛИМ сынагынын ыктыярдуу жардамчысы
Ысык-Көл облусу, Ак-Суу району, Теплоключенка айылы, М.Мамакеев атындагы орто мектептин директору
РАХМАТОВА АСПИРА КАНЫБЕКОВНА, БИРИНЧИ МУГАЛИМ сынагынын лауреаты
Талас облусу, Кара-Буура району, Чоң-Кара-Буура айылы, Акымбеков Мамат атындагы орто мектептин мугалими
СУРАНЧИЕВА ФАРИДА КЕНЖЕАЛИЕВНА, БИРИНЧИ МУГАЛИМ сынагынын лауреаты
Талас облусу, Бакай-Ата району, Ак-Дөбө айылы, Акчал уулу Дүйшөн атындагы мектептин мугалими
ТУРГАНБАЕВА ГҮЛҮМКАН АБЫТАЛЫПОВНА, БИРИНЧИ МУГАЛИМ сынагынын лауреаты
Нарын облусу, Ат-Башы району, Ача-Кайынды айылы, Ой-Терскен орто мектебинин мугалими
Биз бардык эксперттерди БИРИНЧИ МУГАЛИМ 2023 сынагынын 2-туруна жана сыйлык тапшыруу аземине аларды жеңүүчүлөрдүн өздөрү жана сынактын катышуучулары менен тааныштыруу, ошондой эле алардын эмгеги үчүн ыраазычылык билдирүү үчүн чакырдык!
2022/23-ОКУУ ЖЫЛЫНДА “УРМАТ БЕЛГИСИ” МЕНЕН СЫЙЛОО ЖӨНҮНДӨ
Иш-чаранын катышуучуларын эксперттер менен жолуктургандан кийин, биз сыйлык алууга татыктуу болгон мугалимдерге «УРМАТ БЕЛГИСИ» төш белгисин салтанаттуу түрдө тапшыруу үчүн трибунага чакырдык:
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
Сыйлык алгандардын арасында мыкты эксперттердин курамына кошулган Исакова Нуржан Шамуратовна да бар экенин байкасаңыздар керек. Албетте, ал өзүнүн талапкерлиги боюнча чечимге катышкан жок. Андан тышкары, Кыдыкова Гүлнара Жумакадыровна эксперт Осмонбаева Назира Сейитказиевна директор болуп иштеген мектепте иштейт. Бул учурда да ал мугалимдин документтерин башка адистер карап чыкты.
Мына ушундай учурларды болтурбоо үчүн биз үчүн 7 адис эмес, 9 адистен турган топ түзүү маанилүү болчу.
Урматтуу мугалимдерибизди алган сыйлыктары менен куттуктайбыз!
КЕЛЕЧЕКТЕГИ СЫЙЛЫКТАР ЖӨНҮНДӨ
Сыйлык жөнүндөгү жобого ылайык, Фонд жыл сайын «УРМАТ БЕЛГИСИ» сыйлыгын тапшырууну улантат. Мындан ары да «БИРИНЧИ МУГАЛИМ» сынагынын жеңүүчүлөрүн сыйлоо аземинде, бир окуу жылында бир жолу төш белгини тапшырууну улантууну пландап жатабыз.
2022/2023-окуу жылынын сынагы жана жеңүүчүлөрү сыйлоо аземи жөнүндө
Фонддун бардык жаңылыктары тууралуу телеграм каналында:
Санжарбек Данияровдун коомдук фонду
Кызык болсо жазылыңыз
Саламатсыздарбы мага Абадан жакшы маалыматтым жок болчу
Саламатсызбы, Салтанат!
Сизге кандай маалымат керек?