Лиля Турусбекова биринчи класстан баштап, мектепти аяктаганга чейин Фрунзе шаарындагы №28 мектептен билим алган. Бул мектеп 1939-жылы курулуп, ишке киргизилген, азыр ал Бишкек шаарындагы “28 мектеп-лицей деп аталат. Лиля Турусбекова биринчи класска 1940-жылы кирип, 1951-жылы аяктаган, ал учурда 11 жылдык билим эле жана да кыздарды жана балдарды өз-өзүнчө бөлүп окутушкан.
Лиля Турусбекова мектепти аяктаган соң дароо эле ВГИКке – Москвадагы Бүткүл союздук мамлекеттик кинематография институтуна окууга кирип, Кыргызстандагы алгачкы кесипкөй режиссерлордун бири болуп калды.
“Воскресшие из праха” документалдык тасмасы режиссер 60 жашка барып калган учурда тарткан акыркы тасмаларынын бири болгон. Бул тасмада авторго мүнөздүү чыгармачылык почерки дароо эле байкалат – тасмада жасалма, жалган сенсация жок, ал биринчи кезекте адамдар жөнүндө, адамдардын бири-бирине болгон жылуу мамилеси жөнүндө жандуу берилген.
Кыргыз Республикасынын билим берүүсүнүн мыктысы, №28 мектеп-лицейдин директору Назгуль Мусаевна Кожогулованын сунушу боюнча көрөрмандарга көрсөтүүгө так ушул тасма тандалып алынды. Анткени №28 мектеп-лицейдин чоң класстарынын окуучулары жакында эле Ата-Бейит мемориалдык комплексине барып келишкен экен, эми бул тасманын көрсөтүлүшү биздин өлкөбүздүн абдан маанилүү, кай бирде эң кайгылуу барактары баракталган, алардын экскурсиясынын логикалык уландысы болуп калмакчы.
Иш-чарага даректүү тасманын каармандарынын бири, репрессия курмандыктарын издөөгө жана табууга, ошондой эле репрессияга кабылгандардын элесин сактоого зор салым кошкон инсан — Болот Абдрахманов катышат.
Фильмди көрсөтүү «Кыргызфильм» киностудиясы өлкөбүздүн жылнаамасын сактап келаткан Лиля Турусбекованын тасмаларын санарипке өткөрүп, калыбына келтиргендигинин аркасында мүмкүн болду. Биз киностудияга жана киностудиянын архив бөлүмүнүн кызматкерлерине терең ыраазычылык билдиребиз.
ЛИЛЯ ТУРУСБЕКОВА, РЕЖИССЕР ЖАНА ИНСАН
ЛИЛЯ ТУРУСБЕКОВАНЫН «АРБАГЫ ТИРҮҮЛӨР» («ВОСКРЕСШИЕ ИЗ ПРАХА») ТАСМАСЫ. 1992-ЖЫЛ
Фонддун бардык жаңылыктары тууралуу телеграм каналында:
Санжарбек Данияровдун коомдук фонду
Кызык болсо жазылыңыз
Еще:
ЛИЛЯ ТУРУСБЕКОВА, РЕЖИССЕР И ЛИЧНОСТЬ
