The building and equipment of the Kyrgyz State puppet Theater named after Musa Jangaziev in a terrible state and this is in the year of its 80th birthday! I believe it is urgent to provide our children, the children of Kyrgyzstan, with a good puppet theatre that meets modern requirements. Our children should not be deprived in comparison with the children of any country in the world!
I demand from the Ministry of culture of the Kyrgyz REPUBLIC urgent measures to update and re-equip the theater, support the staff of the theater in the year of its anniversary!
Below is a letter addressed to the Minister of Culture, Information & Tourism of Kyrgyz Republic
Кыргыз Республикасынын Маалымат жана туризм министри
ЖАМАНКУЛОВ Азамат Капаровичке
11.05.2019
МУСА ЖАНГАЗИЕВ атындагы КЫРГЫЗ МАМЛЕКЕТТИК КУУРЧАК ТЕАТРЫ ЖӨНҮНДӨ
Урматтуу Азамат Капарович!
Сизге мамлекетибиздеги маданият жана искусство маселелери боюнча ыйгарым укуктуу мамлекеттик органдын жетекчиси катары кайрылуудамын.
Быйыл, 2019-жылы Муса Жангазиев атындагы Кыргыз мамлекеттик куурчак театрына туура 80 жыл толот. Албетте, ушундай тарыхый учурда көрүүчүлөргө жаңы спектаклдер даярдалып, чыгармачыл жамааттарга урмат-сый көрсөтүүлөрдү, театр фестивалдарын, салтанатуу жана чыгармачылык багыттагы иш-чаралардын өтүшүн күтөбүз. Ал эми иш жүзүндө кандай болуп жатат?
ТЕАТРДЫН ИМАРАТЫНЫН АБАЛЫ ЭҢ ЭЛЕ КОРКУНУЧТУУ АБАЛДА! Анын жанындагы Бакен Кыдыкеева атындагы Жаштар театрынын имараты деле жыргап кеткен абалда эмес! Бул имараттардын бирдиктүү комплексинин абалын начар деп сүрөттөө жетишсиз, ал ӨТӨ КОРКУНУЧТУУ абалда турат.
- Имараттын сыртынан караган адам, ал жер бөбөктөр эс алууга келе турган жай эмес, коркунучтуу фильмдер, триллерлер же шаардын ыпылас чет жакасында жашоочулардын же кылмыш чөйрөсүнүн турмушунан алынган тасма тартылуучу жайга окшоштурууга болот.
- Көрүүчүлөр залы: отургучтар эскирип, самсаалап тамтыгы чыкканынан отурууга эң ыңгайсыз. Азыркы учурда ӨЗҮН СЫЙЛАГАН БАЛДАР ТЕАТРЫНДА БАЛДАР ҮЧҮН АТАЙЫН ОТУРГУЧТАР – бийиктиги жөнгө салууга ыңгайлуу отургучтар орнотулган. Ал эми бул театрга келген адам эптеп эле бир нерсеге илинип, жыгылбай отурсам болду дейт.
- Кышында болсо, жарытылуу жылыткыч же желдеткич жок.
- Сахна жана көрүүчүлөр залы жарыктандыруучу заманбап техника менен камсыздалган эмес.
- Фойеде балага майрамдык маанай тартуулай турган эч нерсе жок.
- КӨШӨГӨ АРТЫНА баш багып калсаңыз, өздөрүн искусствого курмандыкка чалган адамдар гана иштеп жаткандай сезим калат. Анткени ал жерде күнүмдүк чарба муктаждыктарына жумшалуучу эң жөнөкөй бюджеттик каражатты албай иштеп жатышкан адамдарды көрөсүз.
Кыргызстандын балдарын тез арада заманбап талаптарга жооп берген куурчак театры менен камсыздоо керек деп эсептейм. Биздин балдар дүйнөдөгү эч бир балдардан кем болбошу керек!
Өкмөт тарабынан толук кайдигерлик өкүм сүрүп жатса да, театрда иштеп келаткан альтруисттер бар экендиги үчүн өлкөбүз бактылуу деп ойлойм. Бирок бул “тизгинди бош коюп”, театрды колдобой койсо болот экен дегендик эмес.
Урматтуу министр, төмөнкү суроолорго жооп берип коюуңузду өтүнөм:
- Сиз өзүңүз жана Сиздин жамаат, министрликтин приоритеттүү багыты – биздин өлкөдөгү балдарды маданий жана эстетикалык тарбиялоо деп эсептейби?
- Эгерде Сиз “ООБА” десеңиз, анда Кыргыз Республикасынын Маданият министрлиги үчүн ошол приоритеттүүлүгү эмнеден көрүнөт?
- Имаратты ремонттоо жана заманбап жарыктандыруу иштери качан, кайсы мөөнөттө жүргүзүлөт?
- Эмне үчүн театрдын 80 жылдык юбилейи тууралуу эмдигиче эч ким үн катпайт? Быйыл коомчулукка театрдын юбилейин салтанаттуу өткөрүү программасы жарыяланабы жана искусство чеберлерине сыйлыктар тапшырылабы?
- Эң башкы суроо. Сиз бул кызматка жакында эле дайындалганыңызды жана театрды жаңылоо багытында тиешелүү иштерди жүргүзүүгө жетише электигиңизди түшүнгөндүктөн, суроону мындай өңүттө койгум келет: Азыр Сизге ишенип берилген министрликтин алдына театрды жаңылоо жана юбилей белгилөө маселесин койдуңузбу? ҮСТҮБҮЗДӨГҮ 2019-жылдагы Сиздин иш пландарыңызда театрдын 80 жылдыгына байланыштуу театрды ремонттоо, жарыктандыруу, эмгек жамаатка материалдык колдоо көрсөтүү сыяктуу иш-чаралар белгиленгенби?
КЫРГЫЗСТАНДЫН КАЛКЫ – бул театр көрүүчүлөрү же көрүүчүлөрдүн ата-энелери же көрүүчүлөрдүн тарбиячылары. Мен көтөргөн маселе КЫРГЫЗСТАНДЫН БАРДЫК ЖАРАНДАРЫ үчүн өтө маанилүү иш деп эсептейм. Андыктан мен ушул катты жеке өзүмдүн атымдан Сиздин өзүңүзгө жиберемин, ошол эле учурда www.daniyarov.kg, сайтына жана ошондой эле ЖМК жана социалдык тармактарга да жарыялаймын. Жообун өз убагында алууга куштармын жана аны да жарыяламакчымын.
Сизди терең урматтоо менен
Санжарбек Данияровдун фондунун негиздөөчүсү жана директору
Асель Даниярова
Биздин театрга экскурсиялары жөнүндө
2019-жылы:
- САЛАМ, БИШКЕК! АЙЫЛЫНАН БОРБОР ШААРГА ЭКСКУРСИЯГА КЕЛИШКЕН 1-КЛАССТЫН ОКУУЧУЛАРЫНАН САЛАМ!
- САЛАМ, БИШКЕК! 2019-ЖЫЛДЫН ЭКСКУРСИЯСЫ ЖӨНҮНДӨ СҮРӨТ ОТЧЕТ
2018-жылы:
- КҮН НУРЛУУ БАЛДАР КҮНӨСТҮҮ БИШКЕКТЕ: АЙЫЛДАРЫНАН КЕЛИШКЕН КИЧИНЕКЕЙ МЕЙМАНДАР
- КҮН НУРЛУУ БАЛДАР КҮНӨСТҮҮ БИШКЕКТЕ. 2018-ЖЫЛДАГЫ ЭКСКУРСИЯ ЖӨНҮНДӨ СҮРӨТ ОТЧЕТ.
2017 -жылы:
- БИШКЕККЕ ЭКСКУРСИЯГА КЕЛИШКЕН БАЛДАРДЫН КӨРГӨН КЫЗЫКТАРЫ ЖӨНҮНДӨ
- БАЛДАР ГАДЖЕТТЕРДИ ГАНА КАРАП КАЛГАН ДЕЙСИЗБИ? АНДАЙ ЭМЕС ЭКЕН! АЛАРГА МУЗЕЙ, ТЕАТРЛАР, ИСКУССТВО ЖАНА ЖАНДУУ БААРЛАШУУ КЫЗЫКТУУ! 2-БӨЛҮК
- БАЛДАР ГАДЖЕТТЕРДИ ГАНА КАРАП КАЛГАН ДЕЙСИЗБИ? АНДАЙ ЭМЕС ЭКЕН! АЛАРГА МУЗЕЙ, ТЕАТРЛАР, ИСКУССТВО ЖАНА ЖАНДУУ БААРЛАШУУ КЫЗЫКТУУ! 1-БӨЛҮК
