Биз мурда “Биринчи мугалим” сынагынын үстүбүздөгү жылдагы сыйлыгын Талас облусунун Бакай-Ата районундагы Бакай-Ата айылындагы Ленин атындагы мектептин башталгыч классынын мугалими Айгүл Сейдекеримовна Жолчубаева жеңип алгандыгы тууралуу кабарлаган элек.
Жеңүүчү катары Санжарбек Данияровдун фондунун сыйлыгын алган Айгүл Жолчубаева 2016-жылдын 4-октябрынан 14-октябрына чейин Москва шаарына 10 күндүк маданий-маалымат арттыруучу саякатка барып келди.
Фонддун сыйлыгы ушуну менен эле чектелбейт. Эсиңиздерде болсо, биринчи турдун жыйынтыгы боюнча дагы эки мугалим лауреат деп табылган эле. Алар:
- Акматалиева Жаңыл Дүйшекеевна, Чүй облусунун Кемин районундагы Кичи-Кемин айлындагы орто мектептин башталгыч класстарынын мугалими;
- Примбердиева Сергүл Исраиловна, Ош облусунун Алай районундагы Бүлөлү айлындагы Жибек Исаева атындагы №38 орто мектептин башталгыч класстарынын мугалими.
Ушул ҮЧ МУГАЛИМ Санжарбек Данияровдун Фонддун кызыктыруучу сыйлыктары менен сыйланышты. Тагыраак айтканда, жеңүүчү мугалимдер жана алар окуткан класстын окуучулары Бишкек шаарына бир күндүк маданий-маалымат арттыруучу экскурсия келишмекчи. Биз алардын борбор калаага келишин уюштуруп, шаардагы эстелик жайларды, балдардын театрын, музейлерди кыдыртабыз. Программанын алкагында аларды тамак-аш жана алыстан келүүчү кичинекей бөбөктөрдү жатакана менен камсыздайбыз.
Бул жолку экскурсия 2017-жылдын апрелинде болмокчу. Анткени ал кезде күн жылып, окуучулар да жолдо, сейилдегенде кыйналышпайт деген чечимге келдик.
Биздин сайтыбызга бул экскурсиянын сүрөт отчету сөзсүз жайгаштырылат, андыктан өткөрүп жибербеңиздер.
“БИРИНЧИ МУГАЛИМ-2016” СЫНАГЫ ЖӨНҮНДӨ БАЯН
“БИРИНЧИ МУГАЛИМ” СЫНАГЫНЫН 2-ТУРУНАН ЖАНА СЫЙЛЫКТАРДЫ ТАПШЫРУУ САЛТАНАТЫНАН ДАЯРДАЛГАН СҮРӨТАЛЬБОМ.
АЙГҮЛ ЖОЛЧУБАЕВАНЫН МОСКВА ШААРЫНА 10 КҮНДҮК САЯКАТЫ ТУУРАЛУУ СҮРӨТАЛЬБОМ.
2015-жылдын жеңүүчү мугалимдеринин окуучулары бул күндү кандай өткөрүшкөндүктөрүн ОКУУЧУЛАРДЫН ЭКСКУРСИЯСЫН БАЯНДАГАН СҮРӨТАЛЬБОМДОН көрүңүздөр.
